Хятадын баруун Сычуань мужид усан цахилгаан станц, далан барихыг эсэргүүцэн тайван жагсаал хийж буй Төвөдийн лам нар, тосгоны оршин суугчдыг хорьсон байна. Энэхүү хориог үнэн болохыг БНХАУ-ын Хүний эрхийн үндэсний комисс болон орон нутгийн хэвлэлүүд баталжээ. Жагсаалд хамгийн багадаа 300 орчим жагсагч байсан байна.
Хүний эрхийн үндэсний комиссын ерөнхийлөгч Майя Ванг “Хятадын эрх баригчид олон нийтийн жагсаал, цуглаанд ширүүн хандсаар ирсэн. Гэхдээ тэд Төвөд болон бусад жижиг үндэстнүүдэд хэтэрхий харгис бөгөөд ялгавартай хандаж байна. Хүн үндсэн эрхээ эдэлж, тайван жагссаныхаа төлөө хоригдох ёсгүй” гэсэн юм. Хэвлэлүүдийн баталж буйгаар 02 сарын 21-ний өдөр тайван жагсаал эхэлсэн боловч цагдаа нар жагсагчдыг зодож, баривчилсан байна. Мөн жагсагчдыг суллахыг шаардсан тэмцэгчдийг мөн барьж хорьжээ.
Далан барихыг эсэргүүцэж буй томоохон шалтгаан нь далан барих газарт багтаж буй Шиба болон Вонтүе тосгонуудад байрлах Ёона хийд юм. Тус хийд нь 700 гаруй жилийн түүхтэй, сүм хийдийн зургаас эхлэн асар их соёлын өвийг тээгч юм байна.
Эх сурвалж: China: Free Detained Tibetan Demonstrators | Human Rights Watch (hrw.org)
