Дани улсын Ерөнхий сайд Метте Фредериксен эмэгтэйчүүдийг хугацаат цэргийн албанд дайчилдаг болж буйгаа зарлалаа.
Орос, Украйн хоорондын дайны нөхцөл байдал хүндэрч, ОХУ болон Европын холбоо хоорондын харилцаа хүйтэрч буй юм. Тиймээс тус улс батлан хамгаалах чадамжаа сайжруулах үүднээс эмэгтэйчүүдийг хугацаат цэргийн албанд 2026 оноос эхлэн дайчлахаа мэдэгдлээ.
Мөн Ерөнхий сайд Метте Фредериксен “Бид дайн хүссэндээ цэрэг армиа нэмж байгаа бус дайнаас сэргийлж нэмж байна” гэсэн юм. Засгийн газар хүйсийн тэгш байдлыг хангах нь батлан хамгаалах чадвараа сайжруулах нэг арга гэж үзжээ.
Дани улсад эмэгтэйчүүд сайн дураар цэргийн алба хаах боломжтой байдаг бөгөөд өнгөрсөн жил 4700 орчим иргэн цэргийн алба хаасны 25 хувь нь эмэгтэйчүүд байсан юм.
Харин 2024 оноос жил бүр 5000 орчим иргэнийг цэргийн албанд дайчлах бөгөөд хүйсийн тоог тэгш байхаар тогтооно гэсэн юм. Мөн алба хаах хугацааг 4-11 сар болгон сунгажээ.
Эх сурвалж: Denmark plans to conscript women for military service for first time | Denmark | The Guardian
