АНУ-ын Ерөнхийлөгч Дональд Трамп Их Британи улсад хоёр дахь удаагаа албан ёсны уулзалт хийж байгаа билээ. Тэрээр лхагва гарагт Виндзорын шилтгээнд Чарльз III-хааны урилгаар хүндэтгэлийн хүлээн авалтад оролцох үеэр ордны цаана олон жагсагчид түүний төрийн айлчлалыг эсэргүүцэж жагсаал хийсэн юм.
Олон мянган жагсагчид Лондон хотын төвөөр түүний аяллыг эсэргүүцэн жагссан бөгөөд жагсагчид хаан Чарльз III-ын хүндэтгэлийн зоог, Ерөнхий сайд Кейр Стармертай хийсэн уулзалтыг эсэргүүцсэн ажээ. .
“Арьс өнгөөр ялгаварлан гадуурхах үзлийг үгүй хий, Трампад үгүй гэж хэлье” гэсэн бичиг бүхий самбаруудыг барьсан жагсагчид Регент гудамжаар алхан, парламент руугаа явжээ. Уур амьсгал, арьс өнгөөр ялгаварлан гадуурхалтын эсрэг болон Палестиныг дэмжигч идэвхтнүүдийг багтаасан 50 орчим бүлгийн эсрэг Лондон хотын цагдаагийн хүчин 1,600 офицерыг ажиллуулсан нь АНУ-ын ерөнхийлөгчийн айлчлалд өндөр ач холбогдол өгч байгааг харууллаа.
Ерөнхийлөгч Трамп болон тэргүүн хатагтай Меланиа нар нисдэг тэргээр Виндзорын шилтгээн рүү очиход хаан тэднийг халуун дотноор угтан авч, цэргийн хөгжмийн хамтлагууд АНУ, Их Британийн төрийн дууллыг эгшиглүүлэн хааны эдлэнгийн өргөн уудам талбайгаар морин тэргээр зугаалсан билээ.
