Кардинал Роберт Превост АНУ-д төрсөн анхны пап ламаар сонгогдсоноор дэлхий дахинаа түүнийг Пап XIV Лео хэмээн тунхаглалаа. Тэрбээр пап ламын хувиар Гэгээн Петрийн сүмийн тагтан дээрээс олон арван мянган хүний өмнө анх удаа үг хэлэхдээ, энхтайвны үйл хэрэгт уриалж, талийгаач Пап лам Францист хүндэтгэл үзүүлсжээ.
Чикаго хотод төрсөн, өдгөө 69 настай XIV Лео АНУ болон Перугийн давхар иргэншилтэй бөгөөд Перуд сүмийн хамба ламын алба хашиж байжээ. Тэрбээр хамгийн сүүлд Ватиканы хамба ламын томилгоог хийдэг хүчирхэг албыг удирдаж байсан. Түүнийг Пап Францисын хийсэн шинэчлэлүүдийг цаашид үргэлжлүүлнэ гэж найдаж байна.
Пап ламыг сонгосны дараа дэлхийн улс орнуудын удирдагчид XIV Леод баяр хүргэж, дэлхий дахинд тулгамдаж буй асуудлуудыг зохицуулах чиглэлд пап ламтай хамтран ажиллах хүсэлтэй байгаагаа илэрхийлжээ. АНУ-ын Ерөнхийлөгч Дональд Трамп энэхүү түүхэн сонголтыг Америк орны хувьд нэр төрийн хэрэг хэмээн тодорхойлсон байна.
