Шинэ төрлийн шихрийн шижин өсвөр насны залуу, туранхай хүмүүсийн дунд түгээмэл болж байгаа нь олон эрдэмтдийн сэтгэлийг зовоож байна. Энэхүү 5-р хэлбэрийн чихрийн шижин нь бараг мэдэгддэггүй өнгөрдөг хэлбэр бөгөөд цусан дахь сахарын хэмжээг хянадаг даавар болох инсулиныг нойр булчирхай хангалттай хэмжээгээр үйлдвэрлэж чадахгүй эсвэл үр дүнтэй хэрэглэхгүй байх үед энэ төрлийн чихрийн шижин үүсдэг гэж үздэг. Хоол тэжээлийн дутагдал нь инсулин ялгаруулах чадварт сөргөөр нөлөөлдөг учир ихэвчлэн тураалтай, бага насандаа хоол тэжээлийн дутагдалд орсон өсвөр насны залуу хүмүүс энэ эмгэгээр өвдөж байна. Дэлхий даяар 25 сая хүн энэ өвчнөөр өвддөг гэж үздэг.
Энэ нэр томъёог ( 5-р хэлбэрийн чихрийн шижин) анх 1955 онд Ямайкийн шинжлэх ухааны сэтгүүлийн тайланд гарч ирсэн бөгөөд гурван жилийн дараа ДЭМБ албан ёсоор “хоол тэжээлийн дутагдалтай холбоотой чихрийн шижин” гэж ангилсан ч НҮБ 1999 онд нотлох баримт дутмаг гэсэн шалтгаанаар уг ангилалыг хассан байдаг.
