Гадаадад аялангаа суралцах хөтөлбөрийг ЕБ-ын 52-дугаар сургууль хэрэгжүүлж буй. Тус сургууль жил бүр зохион байгуулдаг энэ жилийн хөтөлбөртөө БНСУ-ыг сонгожээ. Ингэхдээ солонгос хэлний гүнзгийрүүлсэн ангийн сурагчдынхаа хэлний боловсролыг дээшлүүлэн орчинд нь очиж суралцах боломжийг олгож байгаагаараа онцлогтой аж.
Энэ удаа тус сургуулийн ахлах бүлгийн солонгос хэлний гүнзгийрүүлсэн ангийн нийт 16 хүүхэд 2 багшийн бүрэлдэхүүнтэй /2025.02.09-02.23/ 14 хоногийн хугацаатай Солонгосын Бусан хотыг зорьжээ. Хүүхдүүдийн анхны аялал Бусан хотод байрлах 3 их сургуулийн нэг болох Pukyong National University сургууль байжээ. Түүнчлэн тус улсын бусад их дээд сургууль, боловсролын газруудтай явж танилцах төлөвлөгөөтэй байгаа юм байна. Хүүхдүүд биеэр явж үзсэнээр урам авч, ирээдүйн зорилгоо тодорхойлоход дөхөм болох нь тодорхой .
