Монголын уламжлалт сар шинийн баяр айлчлан ирж, хотол олноороо шинэлэн золгох мөч хаяанд иржээ. Уламжлалт баяраа сэтгэл дүүрэн тэнүүн угтахаар айл өрх бүр идээний дээдийг хоймроо залж аав ээж ахан дүүстэйгээ учран золгох гэж бэлтгэл ажлаа базаадаг билээ. Гэвч амар хялбар аргаар мөнгө олох гэсэн зарим хүмүүс бэлтгэсэн ууц өвчүү, бууз баншийн хулгайлах тохиолдлууд гарч байгааг цагдаагийн газраас мэдээллээ.
Тухайлбал:
02 дугаар сарын 04-ний өдөр Булган аймгийн нутаг дэвсгэрт “Зуслангийн байшинд хулгайч орж, 2 ширхэг өвчүү, 1 тооны үхрийн мах алдагдсан байна”,
02 дугаар сарын 07-ны өдөр “Сонгинохайрхан дүүргийн нутаг дэвсгэрт байрлах зуслангийн байшинд хулгайч орсон байна” гэх мэдээллийг авч шалгахад 1 ширхэг хонины ууц, 2 ширхэг мөнгө аяга алдагдсан хэргийг тус тус шалгаж байгаа аж.
Иймд иргэд Та бүхэн сар шинийн баяртаа зориулан бэлтгэсэн хүнс, эд зүйлсээ хадгалахдаа цоож түгжээг сайтар бэхлэх, сонор сэрэмжтэй байж энэ төрлийн гэмт хэргээс урьдчилан сэргийлэхийг анхааруулж байна.
Эх сурвалж: ЦЕГ
