Монголын үндэсний бөхийн холбоо 2025 онд хэд хэдэн шинэлэг барилдаан зохион байгуулахаар тусгажээ.
Тухайлбал, ирэх сар болон аравдугаар сард “Алтан баззер” сугалаат барилдаан болно. Харин “Алтан цом”-ын барилдааныг хоёр жил тутамд зохион байгуулах бөгөөд ирэх аравдугаар сараас эхлэнэ. Үүнээс гадна тавдугаар сард үзэгчдээс санал асуулгаар хамгийн олон санал авсан багуудын халз барилдааныг дөрвөн удаа зохион байгуулахаар төлөвлөсөн бөгөөд нийлбэр дүнгээр аварга багийг тодруулах аж.
Дээрх барилдаануудыг МҮБХ-той хамтран “Тэнүүн энтертаймент” компани зохион байгуулахаар хамтран ажиллах гэрээнд гарын үсэг зуржээ. Энэ нь үндэсний бөхийг сурталчлах, үзэгчдийн тоог нэмэх, өв соёлоо олон нийтэд түгээн дэлгэрүүлэх зэрэг олон талын ач холбогдолтой юм.
Дашрамд сонирхуулахад, МҮБХ, “Бест буйдан” компанитай хамтран зохион байгуулсан энтертаймент барилдааныг алтан баззераар явуулж байжээ.
