Их хурлын намрын чуулганд их ажлын улмаас, томилолттойн улмаас огт суугаагүй бас нэгэн гишүүн байгаа нь Соёлын сайд Ч. Номин. Хатагтай Ч.Номин гадаад айлчлалуудад дарагдаж, Монголын соёл, түүний менежмент, харилцаа, дэвшил, бусад олон талтаар ажилласан нь дамжиггүй биз. Монголын олон нийт тэгж ойлгож байгаа. Нөгөө талд сонгогчид нь УИХ-даа суухгүй байгаад бахтай биш байгаа нь мөн маргаангүй. Энэ учраас Чинбатын Номин сайд хууль тогтоох ажилдаа сууж чадалгүй, гадаад томилолтуудаараа ямар ямар ажил, ахиц, өөрчлөлт, хэрэгтэй зүйлс хийв гэдгээ Сонгино-хайрханчууддаа, монголчууддаа тайлагнаж мэдээлэх нь эрүүл үйлдэл болно. Тиймээс, Ч. Номин та ажлын тайлангаа мэдээлнэ үү. Өөртэй чинь адил УИХ-д анх сонгогдсон Г.Ганбаатар, С.Цэнгүүн гээд гишүүд тайлангаа тавьсан байна лээ. Тэднээс мөн суралцах нь ч буруугүй билээ.
Д.ОРГИЛ
