Монгол Улсын Баатар Эрдэнийн Бат-Үүл АНУ-ын 47 дахь Ерөнхийлөгч Дональд Трампыг дүгнэжээ.
“Трамп орон гаран юм шиг. Гэхдээ яг үнэндээ тийм биш! Өнөөдрийн Трампыг бий болгох гэж тэр 40 жилийн өмнөөс алсын хараатай зүтгэсэн хүн. Америкийн хамгийн шуугиан тарьсан нэгэн болохын тулд олны инээдэм ханиадам болохыг ч тоож байгаагүй, Симпсоныхон хүүхэлдэйн киноны онигооны баатар тэрбээр юу хийж байгаагаа маш сайн мэдэж байсан.
Фукуяма хүртэл түүний мегалотими дэндүү болохыг, 32 жилийн өмнө “Түүхийн төгсгөл” алдарт бүтээлдээ дурдсан байдаг.
Гитлер Муссолинигээс суралцсан шиг, Трамп Путинээс маш чухал зүйлээ сурсан. Трамп “Америкийг дахин хүчирхэг болгоно” гэх уриагаа Путины “Оросын ертөнц” гэх үзлээс авсан. Путин Крымийг авсан шиг Трамп Панамыг авна гэж байгаа.
Путин нүүрс, хар хөрсний баялаг ордтой Донбасс мэтийг авна гэсэн, Трамп нефтийн асар их нөөцтэй Гренландыг авна гэнэ. Путин ижил хүйстнийг хориглосон, Трамп бас хориглоно.
Путин шүүхийг өөртөө халдашгүй болгосон, Трамп бас Дээд шүүхээрээ тийм шийдвэр гаргууллаа.
Тэр ард түмнийг сүйрсэн юм шиг ойлгуулаад, тэгээд аугаа их болгоно гэж хөөргөн хийрхүүлж олон түмнээр манипуляци хийх аргыг Путин багшаасаа сайн сурсан. Дарангуйлагч болъё гэвэл ард түмнээ түрэмгий сэтгэлтэй болго! гэх хичээлийг Путинээс сурсан. Цагаан Америкчууд Панам, Гренландыг авахаар хийрхээд эхэлсэн байна билээ.
Том үндэстэнгүүд аугаа ихийн өвчтэй гэдгийг, тэр бүү хэл үнэхээр аугаа их мөртлөө бүр аугаа их болох өвчтэйг Америкаас бид харцгаах болно оо!
Муссолини сүүлдээ өөрийн шавь Гитлерт зад загнуулан гөлөг болж яваад, эцэст нь нууц амрагтайгаа хөлнөөсөө дүүжлүүлэн италчуудын бахыг хангасан юм. Путин удахгүй Трамптаа ийн хэмх дээрэлхүүлнэ гэж айгаад сууж байх болтугай!
Трамп Америкийн ардчиллыг, сая шоронгоос суллагдсан “цагаан америкчуудтай” нийлж сүйтгэн, хүү Бэрроноо өв залгамжлагчаа болгох замыг засах үед, би М.Зоригт, Д.Баярхүү хоёроос хоёр дахь бооцоогоо авна.
Трамп ил цагаан коррупцаар 48 цагийн дотор хөрөнгөө 25 тэрбум доллар болгож “христийн шудрага Америк”-ийг байхгүй болголоо шүү дээ.Түүний халдашгүй эрхийг Дээд шүүх батлангуут Америкийн аз дутахад түүнд Милей шиг лидер олдсонгүй!
Нарциссизм нь ямар үлэмж их метафизик хүч болохыг Трамп дэлхийд харуулна!” гэсэн байна.
