Өчигдөр болсон НИТХ-ын хуралдаанаар нийтийн тээврийн үйлчилгээний төлбөрийг нэмэгдүүлэх талаар хэлэлцсэн.
Тус хуралдаанаар Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин” Багануур, Багахангай дүүрэгт нийтийн тээврийн үйлчилгээг нэвтрүүлснээр хууль бус такси үйлчилгээ эрхлэгч иргэдийн үйл ажиллагааг таслан зогсооно. Улмаар алслагдсан дүүргүүдэд нийтийн тээврийн албан ёсны үйлчилгээ нэвтрүүлнэ.
Хөшигийн хөндийд байрлах “Чингис хаан” олон улсын нисэх буудал хүртэлх нийтийн тээврийн үйлчилгээ 2021-2023 хүртэл үргэлжлүүлсэн боловч зорчигчийн урсгал бага, ашиглалтын зардал өндөр зардлын санхүүжилт шийдэгдэхгүйн улмаас зогссон. Улмаар 2024 оны гуравдугаар сарын 19-нд “Чингис хаан’ олон улсын нисэх буудлын удирдлагуудтай Зам тээврийн хөгжлийн яам, Тээврийн цагдаагийн алба, Нийслэлийн аялал жуулчлалын газрын удирдлагууд уулзалт хийж, нийслэлийн төсөвт зардлын санхүүжилтийг төсөвт тусгаж, 2024 оны дөрөвдүгээр сард багтаан үйлчилгээг эхлүүлэхээр болсон.
Энэ дагуу чиглэлийн төлөвлөлтийг хоёр хувааж, тарифыг боловсруулсан байгаа. Энэ хүрээнд,”Чингис хаан” олон улсын нисэх буудал- Таван шар чиглэлд том хүн 10 мянга, хүүхэд таван мянган төгрөгөөр зорчихоор, “Чингис хаан” олон улсын нисэх буудал-Сүхбаатарын талбай чиглэлд том хүн 15 мянган төгрөг, хүүхэд 7500 төгрөг байхаар тусгасан.
