Монгол Улсын 2025 оны төсөв болон хамт өргөн мэдүүлсэн хуулиудад Ерөнхийлөгч хориг таввсан билээ. Тухайн хуулиудын шүүсийг шахах ажлын хэсгийг УИХ-ын гишүүн, Аюулгүй байдал гадаад бодлогын байнгын хорооны дарга Г.Тэмүүлэнгээр ахлуулахаар болжээ.
УИХ-ын дарга Д.Амарбаясгалан энэ тухай гишүүдэд мэдэгдээд байна.
Г.Тэмүүлэн гишүүний хувьд өмнө нь Төсвийн байнгын хорооны даргаар ажиллаж байсан. Тиймээс төсвийг боловсруулахад ажлын туршлага дутах зүйлгүй гэж тайлбарлаж буй юм.
Монгол Улсын 2025 оны төсвийг батлахын өмнө Г.Тэмүүлэн гишүүн Ж.Баярмаа, Д.Энхтүвшин нарын хамтаар “”Төсвийн урсгал зардлаас 3.6 их наядыг танах шаардлагатай” гэх байр суурь илэрхийлж байв.
Үүний өмнөх ажлын хэсгийг УИХ-ын Төсвийн байнгын хорооны дарга Ц.Даваасүрэнгээр ахлуулан, 25 гишүүний бүрэлдэхүүнтэй байгуулсан ч хариуцлагагүй ажилласанаас 2025 оны төсөвт Ерөнхийлөгч хориг тавьсан гэж гишүүд үзсэн, мөн Н.Номтойбаяр гишүүний зүгээс Ц.Даваасүрэн гишүүн Төсвийн байнгын хороог удирдаж байгаа нөхцөлд төсөвт өөрчлөлт гарахгүй тул огцруулах ёстой гэх байр суурийг ч илэрхийлсэн.
Тиймээс УИХ-аас төсвийн хуулийн төслийг боловсруулах ажлын хэсгийн даргалж байсан Ц.Даваасүрэнгийн оронд Г.Тэмүүлэнг сонгоод байна.
Мөн тус ажлын хэсэгт багтаж ажиллах гишүүдийн хүсэлтийг хүлээн авч, өмнөх шигээ 25 гишүүний бүрэлдэхүүнтэй байгуулах аж.
Эх сурвалж News.mn
