2024 ОНЫ ЭХНИЙ 8 САРД БҮХ ТӨРЛИЙН ТЭЭВРЭЭР 97 САЯ ЗОРЧИГЧ, 85.1 САЯ ТОНН АЧАА ТЭЭВЭРЛЭЛЭЭ
2024 онд зам, тээврийн салбар бүх төрлийн тээврээр 120 сая. тонн ачаа, 147.7 сая зорчигч тээвэрлэх зорилт дэвшүүлсэн.
ЗОРЧИГЧ: 2024 оны эхний 8 сард бүх төрлийн тээврээр 97 сая зорчигч тээвэрлэлээ.
Үүнээс авто тээврээр 94.2 сая зорчигч, агаарын тээврээр 1.5 сая, төмөр замаар 1.3 сая зорчигч тээвэрлэжээ. Агаарын тээврээр зорчигчдын тоог өнгөрсөн оны мөн үетэй харьцуулахад 29.4 хувиар өссөн үзүүлэлттэй байна.
АЧАА: 2024 оны эхний 8 сард бүх төрлийн тээврээр 85.1 сая тонн ачаа тээвэрлэжээ.
Үүнээс автотээврээр 56.5 сая тонн ачаа, төмөр замаар 28.6 сая тонн, 6.5 мянган тонн ачааг агаараар тээвэрлэсэн байна.
Бүх төрлийн тээврийн ачааг 2023 оны мөн үетэй харьцуулахад 24.5 хувиар өссөн үзүүлэлттэй, автотээврээр тээвэрлэсэн ачаа 31.3 хувиар, төмөр замаар тээвэрлэсэн ачаа 12.8 хувиар өсжээ.
