Хятад, Оросын хамтарсан цэргийн сургуулилалт энэ сард эхэлнэ гэдгийг Бээжингийн Батлан хамгаалах яам мэдэгджээ. “Northern United-2024” сургуулилалт нь агаарын болон тэнгисийн цэргийн сургуулилалт байх бөгөөд Япон тэнгис, Агнуурын тэнгист үргэлжлэх аж. Хоёр улсын стратегийн хамтын ажиллагааг гүнзгийрүүлэх, аюул заналхийллийн эсрэг хамтран тэмцэх чадавхийг нэмэгдүүлэх зорилгоор уг сургуулилалтыг хийж байгаа гэж Хятадын Батлан хамгаалах яам мэдэгджээ.
Хоёр улс хамгийн сүүлд энэ оны долдугаар сард Хятадын Гуандон мужийн Занжианд хамтарсан цэргийн сургуулилалт хийсэн байна. Тус сургуулилалтыг хоёр улсын Зэвсэгт хүчний цэргийн оролцооны төлөвлөгөө болон хоёр талын хэлэлцээрийн дагуу хийсэн. Түүнчлэн тэнгисийн аюулгүй байдлын сорилтуудыг хамтдаа шийдвэрлэх, дэлхийн болон бүс нутгийн энх тайван, тогтвортой байдлыг сахин хамгаалахад хоёр талын тууштай байдал, чадавхийг харуулах зорилгоор энэ сургуулилалтыг хийсэн байна.
