Энэ удаагийн сонгууль бүсчилсэн том тойргоор зохион байгуулагдаж байна. Ийм том тойрогт танигдалт, рейтинг өндөртэй нэр дэвшигчдэд давуу талтай. Энэ байдлыг харгалзаж намууд тэр тусмаа МАН нэр дэвшигчдээ зарласан. Жишээлбэл УИХ-ын гишүүн, Нийгмийн бодлогын байнгын хорооны дарга П.Анужин гэнэт зүүн бүсэд нэр дэвшихээр болсон нь СХД-ээс гадна тэнд ч судалгааны дүнгээр танигдалт, рейтинг өндөр байсантай холбоотой.
Сэцэн ханы уулзалт бүрийн араас түүнтэй уулзаж, зургаа авахуулах гэсэн хүмүүс тасрахгүй байгаа бөгөөд адуугаа орхиод Анужинг харах гэж ирлээ гэсэн малчид ч цөөнгүй байгаа гэнэ. Тэд П.Анужин гишүүнийхээ плакатыг аваад саахалт айлынхандаа тарааж өгнө гэсээр уулзалтад ирж байна.
Нийгмийн даатгалын багц хууль, Нийгмийн эрүүл мэндийн тухай хууль, сурагчдын үдийн цайны мөнгийг нэмэгдүүлэх гээд тойргийн бус улсын хэмжээнд орхигдож ирсэн олон асуудлыг шийдэж ирсэн нь түүнд аль ч тойрогт очоод ярьж хэлэх ажилтай байлгаж байгаа бололтой.
