Монгол Улсын Хөнгөн атлетикийн насанд хүрэгчдийн улсын аварга шалгаруулах тэмцээн энэ сарын 7, 8-ны өдрүүдэд амжилттай явагдаж өндөрлөжээ. Энэ удаагийн тэмцээнээр автомат цаг байрлуулж, шинэ залуу тамирчдад хувийн амжилтаа тогтоох, ахиулах, спортын цол, норматив биелүүлэх боломж олгосноороо онцлог байна.
“Парис-2024” олимпын наадмын марафон гүйлтийн төрөлд оролцох эрхээ авсан Б.Мөнхзаяа тус тэмцээний 10000 м, 5000 м, 4х400м буухиа гүйлтийн төрөлд гурван алтан медаль авчээ. Ингэснээр Б.Мөнхзаяа Монгол Улсын 23 удаагийн үнэмлэхүй аварга боллоо.
