Сургуулийн өмнөх боловсролын байгууллага болон ерөнхий боловсролын сургуульд өдөр бүр “Шүд угаах цаг”-ийг бий болгон хэвшүүлж, шүдний эмчилгээ, үйлчилгээг орон нутаг, сумын түвшинд буй болгохоор зорьж байна.
2021-2024 онд аймгийн Засаг даргын санаачилгаар “Эрүүл шүд-эрүүл хүүхэд” үзлэгийг зохион байгуулж, давхардсан тоогоор 17 хүртэлх насны 25029 хүүхдийг хамруулахад шүд цоорох өвчин 90 хувьд илэрсэн нь анхаарал татах асуудал болоод байна.
Ирээдүйн эрүүл иргэдийнхээ төлөө “Эрүүл шүд” үйл ажиллагааг ийнхүү эхлүүлж байна. Энэ ажлыг эрүүл мэндийн байгууллага дангаар хариуцахгүй бөгөөд Боловсрол, шинжлэх ухааны газар, сургуулийн захирал, багш, ажилчид бүгдийн хамтын ажиллагаагаар амжилттай хэрэгжүүлэх юм.
