Ураг эхийнхээ хэвлийд байхдаа өндгөн эсийн нөөцөө ээжээсээ авдаг ба төрсний дараа 2 сая орчим өндгөн эсийн нөөцтэй төрдөг. Нөхөн үржихүйн насанд өндгөн эсийн нөөц өндөр байх бөгөөд гүйцэт боловсрох хүртлээ өндгөвчинд олон үе шатуудыг дамждаг.
Цэвэршилт явагдаж эхлэх үед өндгөн эсийн нөөц цөөрч эстроген дааврын түвшин багасч, цэвэршилтийн дараа өндгөн эсийн нөөц дуусч, эстроген дааврын нийлэгжилт зогсдог.
Хэвийн явагдаж буй мөчлөгийн үед ЭСТРОГЕН болон ПРОГЕСТЕРОН дааврууд үе шаттайгаар ээлжлэн ялгардаг.
Эстроген даавар умайн салстыг зузааруулах, харин прогестерон даавар умайн салтын үйл ажиллагаа, өсөлтийг хянах үүрэгтэй байдаг. Энгийн үгээр тайлбарлавал, ЭСТРОГЕН даавар умайн салстыг хөвсийлгөж, өсгөж бордоо шиг нөлөөлдөг бол ПРОГЕСТЕРОН даавар умайн салстын эсийг хуваагдал, өсөлтийг зогсоож хадуур шиг үйлчилдэг.
Цэвэршихэд шилжих үед ЭСТРОГЕН даавар давамгайлж, ПРОГЕСТРОН дааврын хэмжээ буурч умайн салт хяналтгүй ургах, хөвсийх нөхцлийг бүрдүүлдэг. Өөрөөр хэлбэл, умайн салт их хэмжээгээр хөвсийснөөр биений юм их ирэх тохиолдол бий. Цаашлаад өндгөн тоо цөөрснөөр ЭСТРОГЕН даавар буурч умайн салст нимгэрэх, өндгөн эс боловсрох нь удаашрах ба мөн дагаад биений юм багасч, заримдаа алгасч яваандаа зогсч цэвэршилт эхэлдэг.
