МАН, АН-ын Ерөнхий нарийн бичгийн дарга нар хөдөлгөөнд ороотохлоо. Наянтайн Ганибалыг түдгэлзүүлчихэж. Н.Ганибал бол Л.Гантөмөрийг намын дарга байхад генсек болсон хүн. О.Цогтгэрэл түүнтэй гар нийлэхгүй гэдгээ илэрхийлсэн бололтой. О.Цогтгэрэл генсекээ тэгж байгаа ч , өөртэй нь бас намынхан нь гар нийлэхгүй тал бас ургачихсан.
Утсаа авдаггүй, намынхны эргэж хардаггүй, олон нийттэй ажилладаггүй, сэтгүүлчдийг үл хэрэгсдэг гээд О.Цогтгэрэлд намын даргад байж боломгүй хачин авирууд илэрч байна гэж дотооддоо ихээхэн шүүмжилж байгаа юм байна. Тиймээс О.Цогтгэрэлийн тавих генсекийг ч АН-ынхан тийм амар зөвшөөрөхгүй янзтай. Ер нь бол, намын дарга нь О.Цогтгэрэл ч , тус намыг оюун санааны хувьд С.Баярцогт залж яваа нь нууц биш. С.Баярцогт ирэх онд Ерөнхийлөгчид дэвших нөр хүсэлтэй нь ч илэрхий байгаа. МАН-ын хувьд Я.Содбаатараа хотын намын хорооны дарга бөгөөд нийслэлийн даргаар тавих нь шиг байна. Тус намын хувьд нийслэл хэмээх их мөнгөтэй, их эрх мэдэлтэй газрыг Я.Содбаатартаа гардуулах замаар, нөлөөллөө тэлэх, хадгалахыг зорьж байна. Я.Содбаатар Л. Оюун-Эрдэнийг намын дарга байхад генсек болсон. МАН-ын дарга Н.Учрал шинэ генсек тавих эрмэлзэлтэй нь тодорхой. Г.Занданшатар өглөө үдэшгүй ажиллаж байна. Тэр ирэх оны сонгуульд нөр зүтгэж, түүнд ялахын төлөө гүн чармайж байгаа нь тодорхой юм аа.
Z MAN
