Саяхан Венесуэль руу дайралт хийн, Ерөнхийлөгчийг нь гэрээс нь авч явсан АНУ ойрын үед дэлхийн анхаарлын төвд байна. Өчигдөр АНУ-ын зүгээс Дональд Трампын засаг захиргаа Гренланд арлыг эзэмших олон хувилбарыг хэлэлцэж байгааг зарлав. Ингэхдээ цэргийн хүчээр ч авах хувилбар байгааг дурдсан нь Европын улс зарим улс орны эсэргүүцэлтэй тулгарч байна. Тэд энэ асуудал НАТО-гийн цэргийн хүчний ирээдүйг сүйтгэнэ гэдгийг илэрхийлжээ.
Цагаан ордон Гренландыг мэдэлдээ авахыг үндэсний аюулгүй байдлын тэргүүлэх зорилт гэж үзэж байгаагаа мэдэгджээ.
АНУ-ын Төрийн нарийн бичгийн дарга Марко Рубио Конгрессын гишүүдэд зориулсан хаалттай танилцуулгын үеэр Трампын Засаг захиргаа Гренландын асуудлаарх хатуу байр суурь нь ойрын хугацаанд цэргийн ажиллагаа явуулах гэсэн утгатай биш бөгөөд гол зорилго нь уг арлыг Дани улсаас худалдан авахад оршиж байна гэж тайлбарласан байна.
