“Амьдрал нулимсанд дургүй” киноны гол дүр Катягийн дүрээр өөрийгөө мөнхөлсөн жүжигчин Вера Алентова 83 насандаа таалал төгсчээ. Төрийн шагналт, ардын жүжигчин тэрбээр 1942 оны хоёрдугаар сарын 21-нд Архангельскийн Котлас хотод төржээ.
Монголчуудын андахгүй мэдэх “Амьдрал нулимсанд дургүй” цагтаа Оскар хүртэж явсан кино. Гэхдээ тухайн үед ЗХУ-ын кино Америкийн кино академийн шагналыг хүртэж болохгүй гэсэн хүйтэн дайны нөлөөгөөр тэд энэ шагналаа биечлэн очиж хүртэж байгаагүй гэдэг. Гэхдээ түүний нөхөр Владимр Меньшовын найруулж, эхнэр нь гол дүрд нь тоглосон “Амьдрал нулимсанд дургүй” кино 1979 оны Оскарын гадаад хэл дээрх шилдэг киноны эзэн гэдгээр түүх болсон үлджээ.
Тэд 48 жилийн турш хамтдаа амьдарч 2021 онд найруулагч Владимр Меньшов 82 насандаа таалал төгссөн юм. Харин Вера Алентова өнгөрсөн пүрэв гаригт найзынхаа оршуулгын ёслолд оролцож байгаад эмнэлэгт хүргэгдэж бурхан болсон аж.
Тэдний ганц охин Юлия Меншова Оросын алдартай ТВ хөтлөгч билээ.
