Катар улсаас Трампд Boeing 747 онгоцыг бэлэг болгон өгсөн бөгөөд энэхүү онгоц нь 400 сая долларын үнэлгээ бүхий онгоц юм. Хэдийгээр энэ онгоц 10 гаруй жилийн настай ч энэ онгоц баян тансагийн илрэл бүхий бүрэн тавилгатай нисдэг харш гэж хүмүүс ярьж байна. Boeing 747 онгоц нь мастер унтлагын өрөө, зочны унтлагын өрөө, хоёр бүрэн угаалгын өрөө, есөн жижиг бие засах газар, таван жижиг гал тогоо, хувийн оффис зэрэг хүний хэрэгцээг бүгдийг нь хангах дотоод засалтай.
Хэдийгээр энэ онгоц 460 гаруй хүний багтаамжтай ч жирийн Boeing 747-оос ялгаатай нь бизнес ангиллын ердөө таван эгнээтэй. Онгоцонд 90 орчим зорчигч, багийн 14 гишүүн багтах боломжтой. Энэ онгоцыг өмнө нь Катар улсын хааны гэр бүл болон төрийн бусад өндөр албан тушаалтнуудад үйлчилдэг Qatar Airways ашигладаг байжээ. АНУ-ын ерөнхийлөгчийг зөөх Boeing-ийн дараагийн үеийн онгоцыг бүтээж байгаа ч үйлдвэрлэж буй компани нь хүлээлгэж өгөх төлөвлөгөөнөөсөө хоцорч, төсөв нь хэдийнэ хэтэрсэн байгаа юм байна. Тиймээс Truth Social сэтгүүлд ерөнхийлөгч өгсөн ярилцлагандаа энэ тансаг бэлгийг хүлээн авахаар төлөвлөж байгаагаа мэдэгдээд Boeing 747-8 онгоц үйлдвэрлэж дуустал энэхүү бэлгийн онгоцыг түр зуурын Агаарын хүчний нэгдүгээр үүргийг гүйцэтгүүлнэ гэж мэдэгдсэн байна.
