Ерөнхийлөгч Дональд Трамп Их Британид парацетамол, АНУ-д ацетаминофен гэх нэрээр борлуулагддаг өвчин намдаах эм нь аутизм үүсгэж болзошгүй гэж мэдэгдсэн билээ. Түүний хэлсэн үг эмч нарын дургүйцлийг төрүүлсэн бөгөөд эмч нар ийм мэдэгдлийг батлах баттай нотлох баримт байхгүй гэж Трампын мэдэгдлийн няцаагаад байгаа юм. Их Британийн Эмийн хорооны зохицуулагч “Жирэмсэн үед парацетамол хэрэглэх нь хүүхдэд аутизм үүсгэдэг гэсэн нотолгоо байхгүй гэж хэлсэн бол АНУ-ын хүүхдийн мэдрэлийн сэтгэл зүйч, сэтгэл засалч, доктор Нечама Соршер мөн”Ацетаминофен нь аутизм бий болгодог гэсэн нь судалгаагаар нотлогдоогүй” гэжээ.
Гэсэн хэдий ч өчигдөр Цагаан ордны албан ёсны пэйж хуудас 2017 оны “Хэрэв жирэмсэн эсвэл хөхүүл бол хэрэглэхээсээ өмнө мэргэжлийн эмчээс асуугаарай” гэж зөвлөж байна гэсэн жиргээг “Трамп бүх зүйлийн талаар зөв хэлсэн” гэсэн малгай барьсан гэрэл зургийн хамт нийтэлсэн бол АНУ-ын Эрүүл мэнд, хүний үйлчилгээний яам ч мөн тэр нийтлэлийг “Гарчиг хэрэггүй” гэх агуулгын хамт албан ёсны хуудас дээрээ нийтэлсэн байна.
“Жирэмсэн үед ацетаминофен хэрэглэх нь аутизм үүсгэдэг гэсэн нь эмч нарын анхаарлыг ихэд татаад зогсохгүй жирэмсэн өвчтөнүүдэд ямар өвчин намдаах эм бичих өгөх эсэх дээр ойлгомжгүй байдалд хүргээд байна.
Өвчин намдаах эм болох Tylenol анх удаагаа шүүмжлэлд өртөж байгаа зүйл биш юм. 1980-аад оны эхээр Чикагод долоон хүн калийн цианидаар боосон Tylenol капсулыг уусны дараа нас барсан нь улс даяар айдас төрүүлж байсан юм.
