Их Британид улсад үхлийн аюултай monkeypox буюу Монголчуудын хэлж заншсанаар “Салхин цэцэг”омгийн үхэлд хүргэдэг хам шинж бүртгэсэн гэж эрүүл мэндийн албаныхан мэдэгдсэн байна.
Мэргэжилтнүүдийн хэлж байгаагаар хамгийн аюултай гэж гэх clade 1b мутациар халдварласан хүмүүсийн 10 хувь нь нас бардаг гэсэн тооцоо байдаг байна. Их Британид нийт найман тохиолдол бүртгэгдсэн ба азаар нас барсан тохиолдол бүртгэгдээгүй байна.
2022 оны тавдугаар сард Африкт “сармагчингийн цэцэг” гэгддэг monkeypox өвчний дэгдэлт дэлхий даяар эхэлсэн. Дэгдэлт эхэлснээс хойш Төв Африкт багадаа 1,000 хүн амиа алдсан гэсэн тооцоо байна. Бүгд Найрамдах Ардчилсан Конго, Бурунди, Руанда, Уганда, Кени зэрэг улсад тохиолдлууд бүртгэгдэж нас баралт бүртгэгдсээр байна.
Их Британи зэрэг өндөр хөгжилтэй орнуудад өндөр чанартай, түргэн шуурхай эрүүл мэндийн тусламж үйлчилгээ, хүртээмж сайн тул нас баралтын хувь бага байна гэж шинжээчид үзэж байна.
Mpox нь өндөр халуурах, өвдөх, ядрах сульдах зэрэг шинж тэмдгүүд үүсгэдэг. ДЭМБ болон Их Британи улсын эрүүл мэндийн байгууллагын зөвлөснөөр вирустай хүнтэй харьцсанаас хойш дөрөв хоногийн дотор, шинж тэмдэг илрээгүй бол 14 хүртэлх хоногийн дотор вакцин хийлгэхийг зөвлөж байна.
