2025 оны 06-р сарын 01-ны өдөр Португал улсын Брага хотод зохион байгуулагдах “Латин Хореографик Дэлхийн Аварга Шалгаруулах Тэмцээн”-д Өсвөрийн бүжгийн багийн төрлөөр “Star Girls”хамтлаг монгол улсаа төлөөлөн оролцохоор болжээ.
Тус хамтлаг 2024 оны Латин Хореографик УАШТ болон Улаанбаатар Хотын АШТ -үүдэд амжилттай оролцож энэ онд болох Дэлхийн Аварга шалгаруулах тэмцээнд оролцох эрхээ Монголын Бүжгийн Спортын Холбооноос авсан байна.
Тэд 2025 оны 04-р сарын 26-ны өдөр Улаанбаатар хотын АШТ-нд амжилттай оролцсоны дараа дэлхийн аваргад оролцох үзүүлбэрийнхээ бэлтгэлд шаргуу орсон аж.
“Star Girls”хамтлаг нь энэ төрөлд Монголоо төлөөлөн оролцох цорын ганц хамтлаг юм. Багийн ерөнхий дасгалжуулагч, бүжиг дэглээчээр “Стар” хамтлагийн үүсгэн байгуулагч Д.Батсайхан багш ажиллаж байгаа бол дасгалжуулагч багшаар бүжгийн спортын ОУХМ, “Стар” хамтлагийн туслах дасгалжуулагч Б.Ууганцэцэг багш ажиллаж байна.
Тус хамтлаг нь “Стар” бүжгийн студэд сүүлийн 3-4 жил хичээллэж байгаа бөгөөд 12-14 насны 7 тамирчин охидоос бүрдэж байгаа аж.
