Энэ оны II сард МИК-ас орон сууцны ипотекийн зээл авах иргэдэд зориулж тавигдах шаардлагыг гаргасан. Тухайлбал, ипотекийн зээлд хамрагдаагүй, банк санхүүгийн байгууллагад хугацаа хэтэрсэн зээлгүй байх, шүүхийн шийдвэрийн дагуу төлөх болон татварын өр төлбөргүй байх зэрэг шаардлагууд тавьсан билээ.
Мөн, ажил эрхэлдэг болон тухайн байгууллагад нэг жилээс дээш ажилласан, бизнес эрхэлдэг бол хоёр жилээс дээш ажилласан байх, өрхийн өр орлогын харьцаа 45 хувиас хэтрээгүй байх зэрэг шаардлагуудыг тусгасан юм.
Энэ сард ипотекийн 6 хувийн хүүтэй зээлд хамрагдах залуу гэр бүлд тавигдах шаардлагыг мөн боловсруулж, танилцуулах товтой байгаа ажээ. Ингэхдээ анхан байдлаар зээл хүсэгч залуу гэр бүлд нэгээс дээш хүүхэдтэй, 40 хүртэлх насны гэсэн шалгуурууд яригдаж байгаа юм.
