Өнөөдөр /2025.06.09/”Монгол дахь дэлхийн усны хагалбар газар нутгийг хамгаалах тухай хуулийн төслийн үзэл баримтлалын төслийг боловсруулах урьдчилсан хэлэлцүүлгийг зохион байгууллаа.
Газар зүй, Геологийн Хүрээлэнгийн хурлын танхимд болж буй хэлэлцүүлэг “Монгол дахь дэлхийн усны хагалбар газар нутгийг хамгаалах тухай” хуулийн төслийн үзэл баримтлалын төслийг боловсруулахад шинжлэх ухааны үндэслэлүүдийг нэгтгэх, эрдэмтэд, хуульчид, төрийн байгууллага, иргэний нийгмийн байгууллагынхан хоорондоо мэдлэг мэдээлэл, санал солилцох зорилготой юм.
Хэлэлцүүлэгт Ерөнхийлөгчийн тамгын газар, БОУАӨЯ, Усны газар, Ойн газар, Газарзүй геологийн хүрээлэн, ЦУОШГ, ОУ-ын байгаль хамгаалах байгууллагууд, МБОИЗ-ийн гишүүн байгууллагууд оролцжээ.
Сонирхуулахад: Монгол орны усны нөөц жигд бус тархалттай бөгөөд говийн бүсэд нэг хүнд ноогдох усны нөөц дэлхийн дунджаас 10 дахин бага байхад энэ үзүүлэлт хангайн бүсэд дэлхийн дундаж болон дунджаас их байдаг аж.
