Орчин цагийн Зэвсэгт хүчний 104 жилийн ой, Монгол цэргийн өдрийг тохиолдуулан Монгол Улсын Ерөнхийлөгч дөрвөн хүнд БРИГАДЫН ГЕНЕРАЛ, нэг хүнд ХОШУУЧ ГЕНЕРАЛ цол олгохоор болжээ.
Тодруулбал, Зэвсэгт хүчний Хуурай замын цэргийн командлагч бригадын генерал Ч.Цогтжаргалд хошууч генерал, Зэвсэгт хүчний Барилга-инженерийн цэргийн командлагч, хурандаа Х.Батсайхан, ЗХЖШ-ын Ажиллагааны удирдлагын газрын дарга, хурандаа Д.Дугаррагчаа, ЗХЖШ-ын Хяналт шинжилгээ, үнэлгээний газрын дарга, хурандаа С.Баяр-Очир, Зэвсэгт хүчний Хуурай замын цэргийн Штабын дарга, хурандаа Ц.Буяндэлгэр нарт бригадын генерал цол олгох юм байна.
