УИХ-ын гишүүн О.Номинчимэг Орон сууцны болон орон сууцны бус зориулалттай байшингийн дундын өмчлөлийн эд хөрөнгийн менежментийн тухай хуулийн шинэчилсэн найруулгын төслийг санаачилсан. Тэрээр “Нэг талд СӨХ-ны төлбөрөө оршин суугчид төлдөггүй. Нөгөө талд төлсөн төлбөрийнх нь зарцуулалт тодорхой биш гэсэн гомдол, шүүмжлэл тасардаггүй. Тэгвэл төлбөртэй холбоотойгоор хуулийн төсөлд тодорхой зохицуулалтууд тусгажээ.
СӨХ-ны хувьд санхүүгийн болон үйл ажиллагааны зардлаа улирал бүр оршин суугчдадаа тайлагнана. Хэн төлбөрөө төлсөн төлөөгүй, цугласан мөнгийг хэрхэн зарцуулсан талаараа мэдээлдэг механизм бүрдүүлье. Үүнд нь 2 жил тутам аудит хийдэг байхаар тусгажээ: Харин оршин суугчдын тухайд төлбөрөө төлөхгүй бол алданги тооцуулах, төв банкны зээлийн мэдээллийн санд бүртгэгдэх зохицуулалт оруулж байна. Мөн байр орон сууцаа бусдад зарж борлуулах бол өр төлбөрийн үлдэгдэл байгаа эсэх талаар СӨХ-ноос тодорхойлолт гаргуулдаг байхаар тусгаад байна” хэмээсэн байна.
