41 настай Австралийн багш, судлаач Фрейзер мартах өвчин буюу Альцгеймерээр өвчилсөн байна. Түүнд энэ өвчний шинж тэмдэг 30 гаруй насанд нь эхэлснийг хэлээд, өөрийн YouTube-д нийтэлсэн бичлэгтээ тархинд нь ямар нэг зүйл ноцтойгоор буруу байгааг илтгэсэн хоёр шинж тэмдэгийг дэлгэрэнгүй тайлбарласан байна.
Тэрээр өмнө нь үзэж байснаа ч мэдэлгүй бүхэл бүтэн кино үзсэн тухайгаа хэлээд, миний найз бүсгүй энэ киног нэг сарын өмнө бид үзсэн гэж хэлсэн нь түүнийг гайхшруулсан тухайгаа хэлжээ. Оношлохоос хэдхэн сарын өмнө түүний танин мэдэхүйн чадвар буурч эхэлсэн байна.
Фрейзер гүн бодож чадахгүй байсан ба түүний бодол ер бусын “гүехэн”, “гадаргуугийн түвшинд” байгааг анзаарсан байна. Дараа нь хоёр дахь томоохон хэрэг явдал түүнд тохиолдсон байна.
Өсвөр насны охиноо сураггүй алга болсон гэж андуурч хайж явсан аймшигт үдшийг Фрейзер тайлбарлав. Орой болж, би “Миний охин хаана байна?” гэж бодоод сандарч эхлэсэн. Би охиныхоо найзуудаас асуухаар ойролцоох хот руу машинаар явж, аргаа барахдаа цагдаа руу залгах хэмжээнд хүрсэн. Би маш их санаа зовсон. Гэтэл охин маань холбогдож найзуудтайгаа кино үзнэ гэж өчигдөр хэлсэн тухайгаа хэлснийг би сүүлд санасан. Тиймээс Фрейзер өөрийн танин мэдэхүйн асуудлаас болж эмнэлгийн тусламж авсан бөгөөд 41 насандаа Альцгеймерийн өвчний эрт үе гэсэн онош эмч тавьсан байна.
Альцгеймерийн тохиолдлын 5-10 хувь нь л 65-аас доош насныханд оношлогддог гэсэн судалгаа байдаг. Их Британи улсын мартах өвчин судлалын төвийн мэдээлснээр энэхүү өвчний оношийг бүрэн тавихад их хугацаа зарцуулагддаг бөгөөд залуу хүмүүст онош тавих дундаж хугацаа 4.4 жил байдаг бол 65-аас дээш насныханд 2.2 жил байдаг байна.
Ихэнх тохиолдолд Альцгеймерийн өвчин удамшдаггүй боловч Альцгеймерийн нийгэмлэгийн мэдээлснээр: “30-40 насандаа Альцгеймерийн өвчнөөр өвчлөх нь “алдаатай” гентэй холбоотой байдаг гэжээ.
