Итали улсын Турин хотод тусгай олимпын дэлхийн өвлийн наадам гуравдугаар сарын 8-16-д болж байна. Энэхүү наадамд найман спортын төрөлд 103 орны 1500 тамирчин өрсөлдөж бөгөөд манай улсаас зургаан спортын төрөлд 24 тамирчин өрсөлдөж байна.
Өнөөдөр снөүбордын жиант слаломын төрөлд А.Алтан-Очир хүрэл медаль хүртлээ. А.Алтан-Очир нь тусгай олимпын дэлхийн өвлийн наадмын Монголын баг тамирчдын ес дэх медальтан бөгөөд гурав дахь хүрэл медалийг хүртэж байна. Өмнө нь 2017 онд Австрид болсон наадмаас Монголын баг тамирчид хоёр алт, дөрвөн мөнгө, хоёр хүрэл медаль хүртэж байлаа. Өдгөө 15 настай А.Алтан-Очир нь Налайх дүүрэгт амьдардаг бөгөөд снөүбордын спортоор хичээллээд хоёр жил болж байгаа ажээ.
