Тайландын нийслэл Бангкок хотод Прачин Бури мужийн замд гурван давхар автобус осолдсон зам тээврийн ноцтой осол гарсан байна. Осолдсон автобус дотор орон нутгийн захиргааны ажилтнууд явж байжээ. Ослын улмаас 18 хүн амь эрсэдсэн байна. Эдгээр хохирогчдын 17 нь ослын газарт амиа алдсан бол нэг хүн эмнэлэгт нас баржээ. Цагдаа нар автобусыг өндөр толгодоос уруудаж байхад нь тоормос нь гэнэт эвдэрч ажиллахаа больсон байж болзошгүй гэж үзэж байгаа аж.
Автобус осолдох үед дотор нь 49 хүн зорчиж явжээ. Ослоос амьд үлдсэн 31 хүнийг орон нутгийн хоёр эмнэлэгт хүргэлээ.
Тайланд улс нь замын хөдөлгөөний аюулгүй байдал хамгийн муу улс орнуудын нэгд тооцогддог. ДЭМБ-ын баримтад дурдсанаар зам тээврийн ослын улмаас жил бүр 20,000 орчим хүн амь насаа алддаг байна. Үүнд тээврийн хэрэгслийн аюулгүй байдлаас гадна жолооч нарын чадваргүй байдал ихээхэн хувь нэмэр оруулдаг ажээ. Өнгөрсөн оны аравдугаар сард Бангкокын дүүрэгт сургуулийн автобус осолдож шатсан. Уг ослын улмаас 23 хүн амь эрсэдсэний дийлэнх нь сургуулийн сурагч хүүхдүүд байсан юм.
