Жил бүрийн аравдугаар сарын 25-ны өдрийг Хулан хамгаалах өдөр болгох тушаалыг хэдхэн өдрийн өмнө гаргасан юм.
Дэлхий дээрх Хулангийн нийт тархац, нөөцийн 80 гаруй хувь нь Монгол оронд байдаг. Хулан нь өргөн уудам зайд нүүдэллэж амьдардаг амьтан бөгөөд энэ үзүүлэлтээрээ дэлхийд хоёрдугаарт ордог гэж үздэг. Монголд 262,000 км2 газар нутагт 90000 орчим хулан байгаа боловч энэ нь түүхэн тархцын 20 орчим хувь гэж үздэг. Сүүлийн жилүүдэд хамгааллын олон талт арга хэмжээний хүрээнд тоо толгой нь өсөх хадлагатай байна.
Хулан нь говь цөлийн экосистемд маш чухал ач холбогдолтой амьтан ба Хулан байгаа газар ус бий гэж ярьдаг.
Одоогоор амьтны улаан дансны үнэлгээг шинэчлэхээс гадна олон улсад хулан адуу хамгаалах төлөвлөгөө боловсруулахад саналаа тусгаж, хулан хамгаалах үндэсний хэмжээний төлөвлөгөөг боловсруулж батлуулах ажил хийгдэж байна.
Цаашид энэ өдрийг улам өргөжүүлэн, үндэсний хэмжээнд ялангуяа орон нутгийн иргэд, аж ахуйн нэгж байгууллагыг илүү хамруулж, цаашлаад олон улсад таниулах ажлыг хийх нь зүйтэй юм.
