Сагсан бөмбөгийн 3х3 төрлийн цуврал тэмцээн АНЭУ-ын Абу Даби хотноо болох “Мастерс”-аар үргэлжилж байна.
Маргааш эхлэх тус тэмцээн 140 мянган ам.долларын шагналын сантай бөгөөд дэлхийн шилдэг 14 баг өрсөлдөх аж. Тэдний нэг нь “Улаанбаатар Энержи” юм. Тэд “А” хэсэгт дэлхийн чансааг тэргүүлэгч Сербийн “Үб Хуйшан”, Швейцарын “Лозанн” багтай таарчээ. “Улаанбаатар Энержи” сүүлийн хоёр “Мастерс”-аас хэсгээсээ шалгарч чадаагүй бөгөөд Макаод есдүгээр байр эзэлсэн юм.
Тэмцээнд оролцож буй багуудаас чансаагаараа есдүгээрт бичигдэж буй Монголын багийн бүрэлдэхүүнд Д.Дэлгэрням, Марко Дугосия, Э.Дөлгөөн, Ц.Отгонжаргал нар багтсан байна. Тэд эхний тоглолтоо Улаанбаатарын цагаар энэ сарын 26-ны 21:35 цагаас “Үб Хуйшан”-тай хийх бол дараа нь 23:45 цагаас “Лозанн”-тай тоглоно.
Дашрамд дурдахад, маргааш “Тайпэй Чэлленжер-2024″ тэмцээн Тайванийн Тайпэй хотод эхлэх бөгөөд Монголоос “Баянхайрхан”, “Баянхонгор” баг оролцохоор мэдүүлэг өгчээ.
