Авто зогсоол дээрээс машинаа алдсан гэх хоёр удаагийн дуудлага, мэдээлэл өчигдөр /2024.10.23/ өдөр цагдаагийн байгууллагад бүртгэгдсэн байна.
Тодруулбал нийслэлийн Сонгинохайрхан дүүргийн 19-р хороонд байрлах орон сууцны хорооллын зогсоол дээрээс Toyota Рrius-10 маркийн автомашин хулгайд алдагджээ. Мөн нийслэлийн Сүхбаатар дүүргийн 9-р хорооны нутаг дэвсгэрт байх хотхоны зогсоол дээрээс Toyota Grand mark-2 маркийн автомашин тус тус алдагдсан байна.
Цагдаагийн байгууллагаас тухайн хэргүүдэд мөрдөн, шалгах ажиллагаа явуулж байгаа аж.
Иймд иргэн та өөрийн эзэмшлийн тээврийн хэрэгслээ харуул хамгаалалт, хяналтын камертай газарт байршуулах, дохиолол хамгаалалтын системийг автомашиндаа байршуулж болзошгүй эрсдэлээс урьдчилан сэргийлэхийг зөвлөж байна.
