Иргэдийн эрх зүйн боловсролыг дээшлүүлэх үндэсний хөтөлбөрийн хүрээнд НЗДТГ болон Монголын хуульчдын холбоо хамтран Лхагва гарагт иргэдэд хууль, эрх зүйн үнэ төлбөргүй зөвлөгөө өгөх өдөрлөгийг зохион байгуулдаг болсон. Уг өдөрлөг өнөөдөр 09:00-16:00 цагийн хооронд болно.
Иргэд 75050801, 75050802, 75050803, 75050804 дугаарын утсаар холбогдож зөвлөгөө мэдээлэл авахаас гадна Дүнжингарав, Драгон, Мишээл, Сэлбэ, Баянгол, Баянхошуу Нийслэлийн Үйлчилгээний нэгдсэн төвийн салбаруудаас иргэний эрх зүй, захиргааны эрх зүй, эрүүгийн эрх зүй болон гэр бүл, гэрээний эрх зүй зэрэг сэдвээр хууль, эрх зүйн үнэ төлбөргүй зөвлөгөө, мэдээлэл авах боломжтой юм байна.
