Умай сойх мэс засал эмэгтэйчүүдийн мэс заслын 70 орчим хувийг эзэлдэг гэх тоон мэдээлэл бий.
Тэгвэл уг мэс заслыг манай улс 2009 оноос хойш нээлттэй байдлаар хийдэг байсан бол энэ оноос эхлэн дурангаар хийдэг болжээ.
Тэр дундаа өндгөвчний шалтгаантай бүх төрлийн үүсгэвэр, умайн гаднах жирэмслэлт, умайн хоргүй хавдар, умайг бүхэлд нь авах хагалгааг хийж байна. Дурангийн хагалгаа нь зүсэлтийн талбай жижигтэй, эмнэлэгт хэвтэх хугацаа болон ор хоног цөөн, өвчтөндөө зовуурь багатай байдгаараа давуу талтай.
Өмнө нь нээлттэй мэс засал хийх үед урт хугацааны дараалал үүсдэг байсан бол дурангаар хагалгаа хийдэг болсон нь оочер дарааллыг багасгажээ.
Мөн умай сойх мэс заслыг дурангийн аргаар хийх 86 эмч, сувилагчийг нэмэлт сургалтад суулгаж, чадавхжуулсан байна.
Нас ахих тусам олон хүүхэд төрүүлсэн эхчүүдэд түгээмэл тохиолддог умай унжих зовуурийг эмчлүүлэхийн тулд нээлттэй мэс засал хийх шаардлагагүй болсон нь томоохон дэвшилт гэж тодорхойлдог.
