Өнөөдөр буюу 2024 оны 09 сарын 10-ны өдөр “Амиа хорлолтоос урьдчилан сэргийлэх Дэлхийн өдөр” тохиож байна. Дэлхий дээр жил бүр 720 000 хүн амиа хорлож нас бардаг байна. Мөн эрэгтэйчүүдийн амиа хорлолт эмэгтэйчүүдээс хоёр дахин их байна. Амиа хорлолтын талаас илүү буюу 58% нь 50 наснаас өмнө тохиолддог байна.
Амиа хорлолт нь дэлхийн бүх бүс нутагт тохиолддог боловч 2019 онд 3/4 нь бага, дунд орлоготой улс орнуудад тохиолдсон байна. Сэтгэл гутралд орсон хүн эрүүл хүнтэй харьцуулахад амиа хорлох магадлал ХОРЬ дахин их байна.
Та болон таны ойр дотны хүнд сэтгэл зүйн хямрал, сэтгэл гутрал, сэтгэцийн тулгамдсан асуудал тулгарвал 24 цагийн турш ажилладаг МЭДЭЭЛЛИЙН УТАС 1800-2000 утсаар холбогдож мэргэжлийн сэтгэцийн эмчээс мэдээлэл авах боломжтой.
