Хунтайж Уильям мотоциклоор хурдан давхих дуртай нэгэн бөгөөд үүнд нь Уэльсийн гүнж Кейт маш их санаа зовнидог гэнэ. 2015 онд нөхөр нь мотоциклтой хэвээр байгаа эсэхийг асуухад Кейт: “Тэр одоо хүртэл мотоцикл унасаар байгаа. Энэ нь намайг үргэлж түгшүүрт автуулдаг. Би айж байна гэж хариулжээ. Мөн хунтайж Жоржийг аавынхаа хоббийг дуурайчих вий гэж эмээдгээ хэлсэн бөгөөд мотоциклоос хол байлгана гэж боддогоо мөн илэрхийлжээ.
Ханхүү Уильям 2002 онд дөнгөж 19 настайдаа мотоцикл унах эрхээ авсан ба 50сс-аас 125сс-ийн хөдөлгүүртэй мотоцикл унах эрхтэй. Нэгэн цагт “Дугуйн хунтайж” гэж нэрлэгдэж байсан тэрээр багаасаа мотоциклд маш их дуртай байсан. Түүний эзэмшдэг 15,000 фунтын үнэтэй “Ducati 1198” мотоцикл нь 180 миль/цаг хүртэл хурдалдаг.
Сэтгүүлчдийн байнгын хараа хяналтад байдаг хатан хаан болон түүний гэр бүлийн гишүүд хунтайж Уильямийг шөнө дөл болтол сэтгүүлчдэд мэдэгдэхгүйгээр, нэр болон царайгаа нууцлан мотоциклээр зугаалахыг сонсдог ч ирээдүйн хааны энэ үйлдэл санааг нь чилээх нь гарцаагүй. Ханхүү Уильям харин “Мотоцикл унах нь аюултай байж болох ч олон зүйл ялгаагүй аюултай шүү дээ гэж хэлсэн байдаг. Тэрээр хэлэхдээ мотоцикл унах нь хэдийгээр эрсдэлтэй ч хангалттай сургуулилалт хийвэл мотоцикл аюул багатай гэж боддог гэсэн байна. Түүний дүү хунтайж Харри мөн мотоцикл унах дуртай нэгэн бөгөөд тэд хамтдаа Өмнөд Африкийн онгон байгаль 1000 милийн аянд 2008 онд Хонда CRF230s мотоциклтой оролцож байжээ.
