БНХАУ-ын дарга Ши Жинь Пин манай улсад айлчлах төлөвтэй байгаа мэдээ байна. Тэрбээр 2014 онд Ц.Элбэгдоржийг Ерөнхийлөгчөөр ажиллаж ахуйд Монголд айлчлан, Д.Нацагдоржийн миний нутаг шүлгийг ишлэн уншиж, халуун дулаан уур амьсгалыг бүрдүүлж байсан юм. Тийн үедээ, Хүлгийн сайныг унаж мэддэг Хүний сайныг ханилж таньдаг, Усны дэргэдэх асраас сарны тусгалыг түрүүлж харна, Замаа мэдвэл явахад амар Хүнээ мэдвэл ярилцахад амар зэрэг үгсийг хэлэн, дорнын намжир, ёслол төгөлдрийг үзүүлж байснаас хойш даруй арван жил улирчээ.
Түүний “Ганцаар явбал хурдан явна. Олуулаа явбал хол явна” гэж үг байдаг. Хятад улс хөгжиж буй орнуудтай хамтын ажиллагаа явуулахдаа зөв үзэл бодол баримталж, “би хожиж, чи хожигдоно”, “би ихийг, чи багыг” гэх асуудал гаргахгүйгээр, зарим тодорхой төслүүд дээр нөгөө талын эрх ашгийг анхаарах болно гэдгийн би олонтаа хэлсэн. Хятад хүн хэлснээ хийдэг, хийснээ дуусгадаг. Хятад улсын хэлсэн үг, амласан амлалт заавал биелэх, хэрэгжих ёстой. Монголд “Айл хүний амь нэг, саахалт хүний санаа нэг” гэсэн үг байдаг. Хятад хүн “Сайн хөршийг алтаар ч солихгүй” гэж ярьдаг. Хятад улс дэлхий дээр хамгийн олон хөрштэй орон. Үүнийгээ бид үнэт эрдэнэ гэж үздэг” хэмээн өгүүлж байсан үнэ цэнтэй үгс, сайн хандлагыг илэрхийлэл байсан нь маргаангүй. Өмнөд хөршийн дарга удахгүй Монголд айлчлах нь хоёр орны харилцааны шинэ сайн урь, хамтын ажиллагааны үнэмлэхүй дэвшил авчрах биз ээ.
