УИХ-ын сонгууль болоход нэг хоног үлдлээ. Хуулийн дагуу нам эвсэл, нэр дэвшигчдийн сурталчилгаа зургаадугаар сарын аравны өдөр эхлэн 26-ныг дуустал нийт 17 хоног үргэлжиллээ. Энэ хугацаанд Харилцаа холбооны зохицуулах хороонд сонгуульд оролцож буй нам эвсэл, нэр дэвшигчдээс нийт 249 гомдол ирж, 175-д нь албан тоотоор хариу өгч ажилласан байна. Энэ талаар Харилцаа холбооны зохицуулах хорооны ажлын албаны дарга Лувсан-Очир ярихдаа: “Албан бичгээр 249 өргөдөл гомдол ирсэн. Үүнд 840 агуулга бүхий контент багтсаны 60 хувьд нь худал мэдээлэл байна гэсэнд албан ёсны хариу өгч, зохих арга хэмжээг авсан. Ингэхдээ дотоодын вэб сайт болон олон нийтийн сүлжээ комданиудтай хамтран ажиллаж, шийдвэрлэсэн. Сонгуулийн хуулийн дагуу эхний удаад сануулах арга хэмжээ авна гэсний дагуу шийвдэрлэсэн” гэлээ.
