Буриад түмний өв соёл уламжлал зан заншлыг хадгалж өвлүүлэн уламжлуулах дэлхийгээр тархсан буриад зоныг нэгтгэх зорилготой “Алтаргана 2024” их наадам ирэх сарын 26-28 ны хооронд Булган аймагт болно. Гуч гаруй орны 50 гаруй мянган хүн оролцохоор төлөвлөж байгаа тус наадмыг энэ жил Ерөнхийлөгчийн тамгын газар, Соёл яам, гадаад харилцаа болон Байгаль орчин аялал жуулчлалын яам, Булган аймгийн засаг даргын тамгын газар хамтран зохион байгуулахаар болжээ.
Энэ удаагийн олон улсын наадмын гол зорилго нь хүүхэд залуучуудад буриад үг хэллэгийг таниулан мэдүүлж өвлүүлэн үлдээхэд орших юм. “Алтаргана” наадмыг анх Хэнтий аймгийн Дадал суманд 1994 онд зохион байгуулж байжээ.
