Хуульч Болдбаатарын Гүнбилэг нэг зүйл яриад байна. Өнөө жил шинийн нэгэн тасарч байгаа учраас шинийн хоёрон, гурванд амраад л ажилдаа орно гэж байгаа. Гэтэл хуулийн агуулгад, үндсэн хуульчлалд шинийн эхний гурван өдөр амарна гээд хуульчилчихсан байдаг. Энэ учраас яах аргагүй л “танагдсан” шинийн нэгнээ алгасаад, алдаад, шинийн хоёрон, гурванд цагаалж шинэлэхээс аргагүй гэж Л.Энх-Амгалан сайдаас эхлээд тайлбарлаж байгаа юм.
Б. Гүнбилэг хуульчийн иш үндсээр үүнийг буруутган, хуулийн агуулга, нот санаа нь Цагаан сараар гурван өдөр амрах үндэслэл төгс юм гэдгийг хэлж байна. Яах аргагүй үнэн. Шинийн нэгэнтэй, нэгэнгүй нь хуулийн агуулгыг өөрчилж болохгүй юм гэж тэр тайлбарлаж байгаа нь нэн үнэн. Мөн тэрээр шинийн нэгэнгүй байж болох эсэхийг бодолцолгүй, тооцоололгүй хууль гаргаж гэж хэлж байна. Чухам эндээс л хууль гэдэг зүйлийг, нийтийн хэм хэмжээний эрх зүйг боловсруулж, тодорхойлж батлахад ямархан эрдэм мэдлэг, цэц хэрэгтэй вэ гэдэг тодорхой харагдаж байна. Б. Гүнбилэгийн хэлээд байгаачлан Засаг маргааш хуралдаж, гурван өдөр амрах эрхийг хангах магадтай. Түүнээс бус халуун оронд оччихоод цахимаар “орилоод” байгаа Л.Гүндалайн хэлснээр болж байгаа юм огт биш ээ. Зүгээр хууль хэрэгжих үндсэн агуулгыг л гүйцэлдүүлэх гэж байх шиг байна. Хууль батлахад сар жил зурхайн мэдлэг, ухаан ч чухал аж. Манай хууль тогтоогчдын билиг оюун үүнийг гүйцдэггүй нь өнөө жилийн сар шинийн өдрүүдийн зурхайн буулгаас тод харагдаж байна.
З. БОДЬ
