Эверестэд дахин осол болж хоёр уулчин амь насаа алдлаа. Тэд 5 сарын 21-ний өглөөний 04:40 цагийн орчимд амжилттай оргилдоод, буцаж байх үедээ осолджээ.
Албаны эх сурвалжийн мэдээгээр өчигдөр өглөө оргилын дээд хэсэг буюу Хиллари дахь маршрутын хэсэгт цас нурсны улмаас Их Британийн уулчин, Макалугийн Шерпа нар осолдсон байна.
Хиллари хэсэг нь Эверестийн зүүн өмнөд нуруунд 8790 метрийн өндөрт байрладаг байна. Дамжлагийн шат нурах үед олон уулчин энэ хэсэгт гацсан байжээ. “Summit Force” компанийн шерпа нар аврах ажиллагааг удирдаж олон уулчны амь насыг аварчээ.
