Сэтгүүлч Л.Мөнхбаясгалан говийн бүсэд Ардчилсан намаас дэвших эрхээ авлаа. Тэрбээр говийн бүсэд АН-аас бусад зургаан нэр дэвшигчийн хамт явах цор ганц эмэгтэй нэр дэвшигч бол МАН-аас хоёр эмэгтэй нэр дэвшигчийг тодруулжээ. Тэд бүгд УИХ-ын гишүүд юм. Эрх мэдэлтэн, хөрөнгө мөнгөтэй хэнбугайгаас ч айдаггүй сэтгүүлч бүсгүй нүүр ном дээрээ “АН-аас УИХ ын сонгуулийн 7-р тойрог буюу говийн бүс Өмнөговь, Дорноговь, Дундговь, Говьсүмбэр аймгуудад нэр дэвших мандатаа өвөртөллөө. Одоо жинхэнэ тулаан эхлүүлнэ ээ. Миний нэр дэвших тойрогт мөнгөн бороо орох биз …. Говьд мөнгөн бороо биш тэнгэрийн хур буух учиртайсан. Сү. Батболд мултарч Борхүүгийн Дэлгэрсайхан дэвшжээ. Дорнын говийн Б.Дэлгэрсайханыг дошин дээр нь дарж авахын төлөө үзнэ дээ” хэмээн зоримог бичжээ.
