Үндэсний баялгийн сангийн тухай хууль хэрэгжиж эхэлсэнтэй холбоотойгоор Хуримтлалын сангийн данс нээх үйл ажиллагаа боллоо.
Ипотекийн зээлийн санхүүжилтийн 80 хувийг Монголбанк, 20 хувийг арилжааны банкууд өөрсдийн эх үүсвэрээс гаргаж байсан. Нэг ёсондоо, Монголбанк 500, банкууд 200 тэрбум төгрөг гаргаж, энэ онд ипотекийн зээл олгох шийдвэр гаргаад байсан. Тэгвэл өнөөдөр Хуримтлалын санд төвлөрч буй 500 тэрбум төгрөгийг нэмээд, 1.2 их наяд төгрөг болж, санхүүжилт нэмэгдэж байгаа юм байна. Ингэснээр 10 гаруй мянган өрх ипотекийн зээлд хамрагдах боломж бүрджээ.
Орон сууцны зээлийг энэ оноос эхлэн орон нутаг руу түлхүү олгох талаас анхаарч ажиллахаар болжээ.
