Жендэрийн мэдрэмжтэй байхын тулд жендэрийн хэвшсэн ойлголтуудад ЦЭГ тавих шаардлага тулгараад байна. Тэгвэл НҮБ-ын хөгжлийн хөтөлбөр Койка олон улсын байгууллагын санхүүжилтээр хэрэгжүүлж буй “Монгол улсад шийдвэр гаргах түвшинд жендэрийн эрх тэгш байдлыг хангах, эмэгтэйчүүдийн оролцоог дэмжих нь” төслийн хүрээнд жендэрийн хэвшмэл ойлголтыг бууруулж, суурь мэдээлэл өгөх зорилгоор “Хамтдаа цэг тавья” аяныг эхлүүлсэн байна.
Жендэрийн тухай ярихаар зөвхөн эмэгтэйчүүдтэй холбоотой гэж ойлгох хүн олон байдаг. Тэгвэл энэ нь өрөөсгөл ойлголт юм.
“Эр хүн уйлж болохгүй…”, “Эмэгтэй хүн л гэрийн ажлаа хийж, хүүхдээ харах ёстой” гэдэг нь жендэрийн хэвшмэл ойлголт юм. Бүр тодруулбал: Жендэрийн хэвшмэл ойлголт гэдэг нь эмэгтэй, эрэгтэй хүмүүсийн тухай нийгэмд тогтсон “бичигдээгүй стандарт” юм.
“Хамтдаа цэг тавья” аяны хүрээнд жендэрийн хэвшмэл ойлголтыг бууруулахад уриалсан ведио контент түгээж, төв талбайд энэ сарын 13-17-ны өдрүүдэд арга хэмжээ зохион байгуулах юм байна.
