Израилын арми өчигдөр Газын зурвасын хойд хэсэгт довтолжээ. Довтолгооны үеэр Хамас бүлэглэлийн удирдагч Исмаил Хание-ийн гурван хүү, 4 ач нь амь үрэгдсэн болохыг албаны эх сурвалжууд баталж байна.
Исмаил Хание “Дайн эхэлснээс хойш гэр бүл, хамаатны маань 60 орчим хүн амь үрэгдсэн байна. Израилын арми Хамасын удирдагчдын гэр бүлд халдсан учраас яав ч бууж өгөхгүй” гэсэн юм.
“Гал зогсоох хэлэлцээрийн чухал үед миний хөвгүүдийг онилох нь ХАМАС-ыг байр сууриа өөрчлөхөд түлхэц болно гэж үзэж байгаа бол эндүүрч байна” хэмээн Исмаил Хания мэдэгдлээ.
Израилын арми Ханиегийн гурван хүүг “Газын зурвасын төв хэсэгт террорист ажиллагаа явуулах гэж байсан Хамас бүлэглэлийн цэргийнхэн” гэж үзсэн тул онилсон гэдгээ хүлээн зөвшөөрчээ.
Эх сурвалж: The New York Times
