Канад улсад оршин суудаг 99 настай Бетти Брюссель усанд сэлэлтийн төрлөөр дэлхийн гурван рекордыг эвджээ.
Тэрбээр өнгөрсөн бямба гарагт /2024.01.22/ болсон тэмцээний үеэр ахмадуудын 400 метрийн чөлөөт сэлэлт, 50 метрийн араар даллах, 50 метрийн мэлхий сэлэлтийн төрөлд дээд амжилт тогтоосон байна.
1924 онд Голландад төрсөн Брюссель 25 жилийн өмнө зүрхний шигдээсний улмаас хэм тохируулагч аппарат сонсголын аппарат зүүдэг болсон ч долоо хоногт дор хаяж хоёр удаа усанд сэлдэг аж. Тэр 60-аад наснаасаа эхлэн усанд сэлэлтээр тэмцээнд оролцож эхэлсэн байна. Бямба гарагт рекорд тогтоосныхоо дараа Брюссель “Би усан санд, усан дундуур гулгаж байгаа мэт сэлэх дуртай. Сэлэхээр үсрэхээсээ илүү уснаас гарч ирэхэд гоё санагддаг. Усанд сэлэлт бол миний хайр. Санаа зовж буй бүх зүйлээ мартахад тусалж, сайхан мэдрэмж төрүүлдэг” хэмээжээ.
