Нийслэлд өвөл өмнөх жилүүдээс ахиу цас орсон. Хавар эрт дулаарвал халиа үүсч айл өрхийн болон аж ахуйн нэгжийн хашаа барилга, гудамж, зоорийн давхарууд усанд автах эрсдэлтэй үүснэ.
Тухайлбал, Сүхбаатар дүүргийн 18-р хорооны нутаг дэвсгэрийн 8 байршилд, Чингэлтэй дүүргийн 8,20,23,24 Баянзүрх дүүргийн 11,35 Сонгинохайрхан дүүргийн 7,9,26,42 гэсн байршлуудад хөрсний ус гарч халиа үүсэж айл өрх аж ахуйн нэгж байгууллагын хашаа гудамж талбай усанд автсан дуудлага ирсэн.
Дуудлагын дагуу онцгой байдлын хэлтэс болон тохижилт үйлчилгээний компанийн 104 ажилтан алба хаагчид тусгай зориулалтын 38 техник хэрэгсэлтэйгээр ажиллан 2460 суваг шуудуу татаж 23 машин хайрга асгаж 300 тн мөс зөөвөрлөж далан босгох ажлыг хийж гүйцэтгэн 205 айл өрхийг усанд автах эрсдэлээс урьдчилан сэргийлэх арга хэмжээ авчээ.
